إغلاق
إغلاق
البحث
أبحث عن:
من مين بدي اطلبك
الكاتب : المقاتل عمار ونوس | الخميس   تاريخ الخبر :2017-12-21    ساعة النشر :22:47:00
من مين بدي اطلبك
يا أم جدّولة دهب ،
لا أخ عندك بالعرب تا صاهرو
والاب عَ عيون العرب، كسرو جناحو وخاطرو
سحبو جنودن بالهمس باعو دمشقي والقدس
سحبو الجحافل عالسكت
وحدي بعينك أبحرت .....
لاتزعلي ياطاهرة
لاتزعلي
قالو عليكي سافرة
يلا احرقي شريط الحلم ،حلم الوطن بالذاكرة
خلي القضية للزلم..... بس الْ بخونك بالسلم
منّو بْحرب شو ناطرة
يلا ارجعي ياطاهرة
 
يا أم جدّولة دهب
قولي ع سنّة مين بدي اطلبك
بعض الشباب احتزَب دايرها سرقة وخُطب ،
شْعارات رنانة (ي)
وبعض الشباب انقلب، ديني وعلماني
وهني بخمسطعشر قرن وحروب علقانة(ي)
كل الدماء السايحه
نحنا ال علينا رايحة
دينو صدق ،دينوغلط ، دينو طلع دينو هبط
يلا على دين الوطن نقرا ياعهد الفاتحة
 
#كلمة_حق من المقاتل في الجيش السوري عمار ونوس إلى المناضلة الأسيرة عهد تميمي
 
 
 



تعليقات الزوار