إغلاق
إغلاق
البحث
أبحث عن:
#أبراج_الأحد7يوليو2019
الكاتب : ليليان موسى حسن | الاحد   تاريخ الخبر :2019-07-07    ساعة النشر :12:53:00

 

#الحمل ♈

تغيير بشغلك وبتحس بتعب نسبي فدير بالك ..
كون هادي بهاليوم وحاول تبلش نهارك بتنظيم وكل شي تعملوا بوقتو وانت محملها زيادة وشايل مسؤولية وانك لازم تتعب وتوجع قلبك بقصص الاهل والشغل بدي منك تروق وتشيل عن كتفك حمل لترتاح وصحيا كمان انتبه بهاليوم وخلص شغلك الضروري ..
عاطفيا .. عندك جاذبية بس بالك مو فاضي حاول تفصل بالأمور ولازم الشريك يتفهمك ..

#الثور ♉

تطورات حلوة وافضل وضعك وفي حلول عائلية ..
استغل يومك على كل الاصعدة لأن عندك فرص مالية وشغل وبكون متل منفذ الك بعد ضيق وبتحل مشكلة بالبيت وعم يكون من الايام الحلوة يلي ناطرتك فيها اوقات ممتعة خليك جاهز لهالشي وكون واثق من قدرتك على قلب الأمور لصالحك وفرص رح تجيك وانجاب للبعض ..
عاطفيا .. عندك يوم حلو في اوقات مميزة ممكن تستغلها مع الشريك وتنبسط فيها ..

#الجوزاء ♊

وضعك بالبيت بين صرف مال وضغوط ..
حاول ترتب امورك صح وعم تفكر بقصة عقار بدك تبيع او تشتري وخليك رايق ولا تضوج و بدي منك تفكر بوضعك المالي وتهدى وكل شي رح يكون افضل وانت بمرحلة مهمة بحياتك بدها انتباه وخاصة على صعيد اهلك وبيتك وكمان في سكن جديد للبعض ..
عاطفيا .. في كتير قصص براسك حاول تختار صح الشريك يلي بيستاهلك..

#السرطان ♋

يوم لتكون حاضر وقادر تقنع وتنجح ..
انت مميز وطلتك حلوة وامور بتخص حدا من العيلة اخ او اخت بتشغلك بهاليوم وانت مميز بحضورك وبكون عندك القدرة تتم كل شي وممكن تسافر وتتلقى اتصالات من ناس مهمة وتحصل على مواعيد بتفيدك لكن بدي منك تنتبه من حوادث السير ..
عاطفيا .. تحسن كبير وحالتك جيدة واللقاء يلي رح يكون بهاليوم رح يكون متل مابدك ..

#الأسد ♌

عندك تطورات شغل ومال لتغير وضعك ..
يوم تاني بدو تصرف صح خاصة ماليا وبدك ضبط لوضعك وعم يكون صرفك زايد ومشروع شغل عندك ومو مرتاح ماليا ويوم بيحملك مصاريف كبيرة لكن بالمقابل اذا ناطر مبلغ ممكن كتير يجيك بهاليوم مشان هيك جهزلي حالك وفكر كمان بشغل جديد يحسن وضعك المادي..
عاطفيا .. الظروف باردة بعلاقتك حاول تحافظ على استقرار الوضع وتكون مع الشريك..

#العذراء ♍

الوضع افضل وبتحصل على دعم رفقاتك ..
عم تكون قريب من الكل واخبار وحلول ناطرتك وانفراج وكمان عم تطلع من الاجواء السلبية يلي لازمتك وتحل أمورك وتكون قادر تقلب الأوضاع لصالحك وعندك الطاقة والحظ حاول قد مافيك تبدا من جديد ولا تلتفت للماضي حتى تنجح وتغير بشكلك ووضعك ..
عاطفيا ..يوم ممكن يحملك حب جديد او تطورات مهمة بعلاقتك مع الشريك..

#الميزان ♎

انتبه من الناس ومرق يومك على خير ..
مو مرتاح بتعاملك مع حدا وللأسف الكل عم يكون ضدك وضايج وانت مو عبعضك ومو مرتاح عم تكون بهاليوم في تأجيل ببعض الأمور عندك وهالشي عم يخليك مدايق من كتار من الناس بس ماتخاف وخلص شغلك الضروري وحاول تتجنب الناس يلي مابترتحلن بهاليوم ..
عاطفيا .. عم تبحث عن شخص صادق يكون بيستاهل يكون شريك الك بهالوقت ..


#العقرب ♏

عندك لقاءات ومناسبات وعزايم هاليوم ..
يومك جيد وعم تحضر مناسبات وكمان فيك تكون قريب من ناس بتحبن وانت ملفت للأنظار بهاليوم و عم تقضيه مع ناس غالية عليك وأجواء اجتماعية بامتياز بعزايم ولقاءات حلوة وفي مساعدة ممكن تتلقاها ورح يكون في دعم الك من الاصدقاء بس انت لاتبقى لحالك ..
عاطفيا .. طلتك حلوة وجاذبيتك مرتفعة بهاليوم فاستغل هالشي وممكن يكون فرصة لخطبة عند البعض ..


#القوس ♐

يوم بيحملك اختبار وشغل وانتبه وهدي ..
يوم في تغييرات وكون منتبه لكل شي وكون دقيق لأن عم تكون بيوم حساس بيحتاج منك الدقة والتركيز حتى يمرق بأفضل حال فيمكن عم يكون عندك لقاء مهم بالشغل او حتى امتحان وهالشي بيتطلب منك الانتباع ولاتخالف القوانين لتنجح وفرص شهرة وللبعض تشويه سمعة ..
عاطفيا .. تطور بعلاقتك ووضعك العاطفي جيد وفي فرص لاعجاب من شخص مهم عندك فحدد خياراتك ..

#الجدي ♑

عم يكون في لقاءات جديدة وعقد شغل ممكن ..
استغغ يومك وانت أفضل وعندك حظ بيدعمك بيوم جيد وقادر تغير الأمور لصالحك وعم يكون من افضل الأيام مبسوط وقادر توصل صوتك بسهولة وعم تتعرف على ناس جديد كمان عندك فرص لسفر واتصالات بعيدة بالمجمل يوم حافل عندك فاستغلو وانتبه من حوادث السير ..
عاطفيا .. تفائل لأن الوضع العاطفي عم يتحسن بهاليوم وقادر تحل اي مشكلة مع الشريك اذا بدك ..

#الدلو ♒

وضعك افضل ومال بيجيك وتغييرات ..
عم تتحسن حالتك وبترجع اوضاعك أفضل وعم تشعر بأنو الضغط بلش يخف عندك وبلشت الحلول شوي شوي وعندك القدرة على التوصل لاتفاق ومصالحات ويوم بيحملك مال من شراكة او ميراث وكمان تحسن وراحة وحل لقضية قانونية او مصالحات..
عاطفيا .. استغل يومك وكون قريب من الشريك وحسن وضعك العاطفي ..


#الحوت ♓

عندك شراكة شغل ممكنة ويوم بدو محبتك ..
يومك بيعتمد على نفسيتك فحاول تركز بأمور الشراكات وكون جاهز وخليك متفهم لأن يومك في كتير من الأمور يلي بحاجة انتباه منك ممكن تتم شراكة وتحصل على اتفاق بخصوص موضوع مهم رغم انك منفعل زيادة بس رح تمر على خير وانتبهلي لعلاقاتك بالشغل وبالبيت ..
عاطفيا .. وضعك العاطفي بكون حساس بهاليوم مشان هيك انتبه وحاول تكون بعيد عن اي مواجهة وعند البعض في فرصة ارتباط..




تعليقات الزوار