إغلاق
إغلاق
البحث
أبحث عن:
التوقعات الفلكية لليوم الاربعاء 11/10/2017
الكاتب : حدث اليوم | الاربعاء   تاريخ الخبر :2017-10-11    ساعة النشر :07:43:00

الحمل

عم تطلع عندك مشكلة بالبيت وعم تطر تتحمل المسؤولية فخليك هادي وحل الامور برواق بعرف انو ماعم ترتاح بس يوم وبمر فلا تخرب كل شي ..
عاطفيا .. انت معرض لحالات من الانفعال وهالشي بسبب مشاكل عاطفية والشريك ماعم يفهم ولا يقدر ..
المشتري في العقرب بعزز وضعك المالي وخاصة فيما يخص أموال الشراكة او فيما يخص مال الزوج أو الزوجة او الزوج وكمان بتلاقي حلول لمشاكلك وبتعالج أمور استشفائية ..

الثور
يوم بتطلع فيه من حالة الضغط يلي مريت فيها وبتحس انو رجعتلك طاقتك بتفكر تسافر وتغير جو وبتتواصل مع محيطك بشكل افضل بكتير ..
عاطفيا .. لاتسمع للاجواء المشحونة تخرب وضعك وخليك واثق بانك قادر تقنع الشريك بحبك اليوم ..
المشتري في العقرب سيعزز فرص لشراكات مهنية وعاطفية

الجوزاء
عندك ضغوط كبيرة مالية وعم تفكر من وين بدك تعوض النقص وكيف تبدا وتحل القصة وانتبه كمان لمصروفك وممكن تحصل على مبلغ مالي بهاليوم فلا تقلق ..
عاطفيا .. مافي شي عم يكمل معك وحاسس حالك متل الضايع وصار الحب بدل مايكون راحة تعب الك ..
المشتري في العقرب سيحسن وضع العمل وقد يحمل لك عملا جديدا ويحس علاقتك بزملاء العمل

السرطان
عم تشعر بالراحة بعد ايام صعبة مرت عليك عم تطلع من هي الحالة انت اليوم قادر تحط حد لكل شي ماضي وتفتح صفحة جديدة غير واقعك يادلو والحظ معك ..
عاطفيا .. استفيد من وجود القمر ببرجك لتحصل على شراكة جديدة او ترجع شراكة قديمة الك بهاليوم ..
المشتري في العقرب سيحمل لك الأطفال اذا كنت ترغب في الانجاب وحظ مالي وعاطفي وحب ..

الأسد
بعرف انك مو مرتاح ابدا وكل شي عم يكون معاكس الك وحالة نفسية سيئة عم تسيطر عليك بتخليك تفكر تنهي كل شي بدي منك تصبر هاليوم بس وتكون بعيد عن كل شي ممكن يوترك ويتعبك ورح يمر ..
عاطفيا .. لاتسمح للضغوط تضعفك ولاتخلي الشريك يكوم سبب بزيادة زعلك مافي شي بيستاهل ..
المشتري في العقرب قد يحمل لك منزلا جديدا وتحسن عائلي وتعامل عقاري ..

العذراء
بالرغم من تواجد الاصدقاء معك ودعمن الا بس انت مو رايق وعم تحس انو مافي شي متل مابدك هالشي عم يخليك قلق ويمكن عم تبدا شغل جديد وهالشي عم يترك عليك مسؤوليات مضاعفة بدي منك تصبر وتفكر بحلول ..
عاطفيا .. ماعم يقدر الشريك ظروفك وهالشي عم يزيد التعب عليك ..
المشتري في العقرب تحسن في العلاقات وشراء سيارة وتطور في العمل وخاصة في مجال الالكترونيات ..

الميزان
توتر كبير وبدك تعمل شي بس ماعم تعرف الطريقة ومشتت حاول تكون منتبه وخاصة بتعاملك مع المسؤولين عنك وفرصة لتلاقي شغل بهاليوم وتفكر تعمل شي غير بحياتك ..
عاطفيا .. ماتزعل على غياب الحبيب عنك وبرأيي قلة الاهتمام والاهمال بالحب مابناسبوك ..
المشتري في العقرب سيحمل اليك تحسنا كبيرا في الامور المالية والمادية يعني اي شي بتعملو بتربح منو وكمان ممكن عمل جديد ..

العقرب
عم تفكر بسفر او تعمل قصة جديدة متل رياضة او دراسة بهالوقت وعم تتعامل مع ناس غريبة عنك وتتواصل معن وهالشي بقدملك فائدة حاول تكون متفائل ويوم ايجابي الك ..
عاطفيا .. قدرتك على التواصل عم تعطيك جاذبية من الجنس الآخر فاستغل هالشي ..
المشتري في برجك تحسن كبير والخروج من المشاكل التي كانت وبداية اعمال جديدة وتحقيق نجاحات على جميع الاصعدة ..

القوس
يوم عم تفكر فيه اكتر شي بالمال وخاصة اذا كنت عملت شراكة مع حدا وبدك تحصل على اجرك منها وكمان عم تزيد المصاريف عندك وحلول لمشاكل قضائية واستشفائية ..
عاطفيا .. اتخذ قرارك بخصوص العلاقة ولاتضل معلق حالك لأن انت مو بحاجة تعب اكبر ..
المشتري في العقرب يحمل لك تعاملا مع مؤسسة كبيرة وقد يكون كالملاك الحارس لك ..

الجدي
انت اليوم متل مرهق و اعصابك كتير تعبانة واي حركة عم تزعجك وتعصبك فلازم الكل ينتبه ويساعدك مع انك مارح تقبل مساعدة بس يقدرو هالشي اقل شي المهم انت ابتعد عن استفزاز حدا وهدي حالك بهاليوم وفرصة لتتم شراكة اذا بدك ..
عاطفيا .. تفكير كبير بالارتباط بس ماعم تزبط معك وهالشي عملك حالة من اليأس وصار بدك حل ..
المشتري في العقرب اصدقاء جدد وتوسيع دائرة الصداقة والعلاقات الاجتماعية ومساعدة من صديق لتحقيق امنية ..

الدلو
من الايام المتعبة بتشعر بضغوط كبيرة بالشغل وتراكمات بتطلع فجأة وبتزيد عليك المسؤوليات بس انت قدها وانتبهلي لراحتك وصحتك حتى ماتأثر عليك ..
عاطفيا .. يمكن عم تفكر تنهي علاقة ما وهالشي عم يأثر على نفسيتك حاول تدرس الامور منيح قبل ماتقرر ..
المشتري في العقرب ارتقاء في المركز الاجتماعي لك وتحسن مهني كبير وقد يكون هناك شهرة او تعامل مع مسؤولين ..

الحوت
يوم ايجابي الحظوظ داعمة الك رغم كل شي مر عليك بهالشهر حاول تستفيد من كل دقيقة بهاليوم وادفع بمصالحك واستغل اي فرصة لان يوم منيح ضمن وضعك هالشهر ..
عاطفيا .. حاول تعيش اوقات رومنسية بدون ماتفكر كتير بالماضي ..
المشتري في العقرب يحمل لك فرصا للسفر والتعامل مع غرباء ودراسة جديدة ..




تعليقات الزوار