إغلاق
إغلاق
البحث
أبحث عن:
التوقعات الفلكية لليوم الثلاثاء 10/10/2017
الكاتب : حدث اليوم | الثلاثاء   تاريخ الخبر :2017-10-10    ساعة النشر :08:46:00

الحمل

نشيط كتير و عم تتحرك اليوم وتفرض كلمتك وتكون مقنع للكل عم تتواصل وتتلقى اتصالات كتير وتكون ناجح بعملك وممكن تحصل على سفرة قصيرة وتتقدم بعملك بس هالشي بحدود لان وضعك مو كتير تمام وانتبه من حوادث السير..
عاطفيا .. اليوم بيحملك لقاء رومنسي او مشوار مع الشريك حاول تفضي مخك وتقضي اوقات حلوة ..

الثور
عم تفكر بامورك المالية يمكن عم تحس انو انت بحاجة وهاليوم ممكن تحصل فيه على المال بس انتبه من مصاريف زايدة وحاول تحرك شغلك وتحسن وضعك بالعمل ..
عاطفيا .. حافظ على استقرار علاقتك ولاتكون متسرع باتخاذ قراراتك ويوم حلو بس خليك رايق

الجوزاء
انت منيح واخيرا عم تدعمك طاقة القمر وعم تفكر تغير وضعك وتخلص من القصص القديمة وتبدا من جديد انت افضل بكتير فكر بخطوات ايجابية لتطلع من حالتك ..
عاطفيا .. خبر حلو وحكي رومنسي بانتظارك بس انت افتح قلبك

السرطان
حالة من الركود عم تمر فيها اعمالك بتحس كل شي ثابت وانت مو مرتاح وفي ناس عم تحاول توقعك بدي ياك تهدى حتى يمر هاليوم على خير ..
عاطفيا .. افكار عم تاخدك وتجيبك وماعم تعرف شو بدك او مع مين تستقر ..

الأسد
عم يدعمك صديق ويساعدك بقصة كانت تاعبتك حاول لاتضل لحالك وتفاعل مع رفقاتك وانتبه من مشكلة ممكن تكبر ..
عاطفيا .. عروض لحب جديد وماعم تعرف تختار بين قديم وجديد ..

العذراء
يوم مهم بيحملك ترقية بالشغل او شغل جديد كون منتبه من يلي معك ولاتعطي فرصة لحدا يحط عليك كلمة وكون دقيق ..
عاطفيا .. احساس بالتوتر وعم تبحث عن شخص يطلعك من حالتك ويكون بيستاهل حبك

الميزان
يوم حلو كتير سفر ممكن واتصالات وتعامل مع اجانب عم تفكر باشيا جديدة وبدك تعمل خطوة مهمة لاتوقف الظروف داعمة ..
عاطفيا .. بتسمع اخبار حلوة والشريك بساعدك لتحلو مشكلة وتحسين العلاقة ..

العقرب
عم تحس بالراحة وانو الضغط يلي كان عليك الفترة الماضية عم يخف نسبيا انتبه من امور مالية خاصة بما يخص الشراكة لان ممكن تحصل على مال وكمان فيك تعالج حالك من مرض او حتى تحل قصة قانونية ..
عاطفيا .. حاول ترجع علاقتك بالشريك ولاتسمح للمشاكل يلي صارت تنهي حبك ..

القوس
يوم مو منيح عم تحس طاقتك منخفضة ومو مرتاح توتر كبير وعدم القدرة على الهدوء هالشي عم يخليك تنفعل بوش يلي معك وحاول لو فيك تدخل شراكة ناجحة بشي شركة او مشروع بدون ماتخرب وضعك ..
عاطفيا .. عم تفكر بالارتباط بس بنفس الوقت مو مبسوط من الشريك وحاسس في مشاكل عم تصير ممكن تخرب كل شي

الجدي
عم تحس حالك تعبان ومرهق وكتير عندك ضغط وماعم تلحق شي ان كان دراسة او شغل بدك تنتبهلي لصحتك وتشتغل الضروري حتى مايتراكم عليك ولاتنفعل ..
عاطفيا .. حالة من التعب عم تصيبك وعم تفقد ثقتك بكتير ناس حوليك ..

الدلو
يوم مميز كتير حاول تستغل كل دقيقة فيه لتدفع بمصالحك الواقفة لان عانيت كتير الفترة الماضية فهاليوم مدعوم بالحظ وفرصة لتتقدم وتغير وضعك للافضل شوي ..
عاطفيا .. في فرصة حلوة رومنسية اليوم اذا مشتاق تحاكي حدا فاليوم مناسب ..

الحوت
عم تشعر بحجم مسؤولية كبير عليك وخاصة لان الموضوع اليوم بخص اهلك او بيتك بدك تكون متفهم وحكيم وتحل الامور بهدوء حتى ماتكبر عندك ..
عاطفيا .. يمكن الحب عندك ماعم يكتمل وهالشي عم يعملك خيبة امل كبيرة حاول تعيش حبك بعيد عن الناس لان ممكن يكونو العامل الاكبر لهالشي ..




تعليقات الزوار